容祖兒踩玻璃忍痛開騷　助手操刀鉗碎片

容祖兒和李克勤日前巡演到惠州，由室內場館去到大球場三面台會觀眾，兩人汗流夾背施展渾身解數，最終跳到連底褲都濕埋，贏盡全場掌聲。場館限制11點要關門，但觀眾都不肯離開，全場站立不停叫安哥，最終兩人冒着被停電的危險，再唱多10分鐘才散場。

騷前綵排祖兒已經邊跳邊叫「腳痛」，原來她家中打爛玻璃杯，懷疑沒掃清，早上起床時不小心腳底刺進玻璃碎，她卻忍痛一直工作，幾天沒去治理。到惠州臨開場前，因腳痛愈來愈嚴重，被工作人員捉實她的腳，用火燒熱針，由祖兒助手操刀，為她把玻璃碎拿出來。祖兒說：「係因為我不停唸唸有詞，幾日都話痛，大家可能頂我唔順，突然就好多隻手捉住我隻腳，又夾又放大鏡，又針又鎅刀咁，然後將一粒鑽石戒指咁閃的玻璃碎就出咗嚟，終於舒服晒。」

多位工作人員幫容祖兒拔玻璃碎片。

容祖兒開騷前已不停跳，鉗完碎片後舒服晒。