莊思敏撐諸葛紫岐 爆莊端兒鍾意低胸

莊思敏出席國慶活動，透露為新片《失戀日》演出而改造一頭punk髮型配合角色，因髮型關係損失了跟宋仲基合作韓國品牌廣告，又笑謂有不少朋友問她是否中途轉基？所以轉變髮型的她不敢素顏出街，並經常着裙以較女性化形象出現。

談到莊端兒跟諸葛紫岐（Marie）終止經理人合約，問到曾擔任莊端兒經理人的莊思敏當年合作關係如何？她說：「我同她合作好短時間，事業上無幫到她太多，我見到Marie幫她好多，所以這件事我好驚訝。之前她同張致恆分手都有傳訊息叫她保重，但突然間跟Marie反面，我就會企在Marie那邊，因為好清楚做經理人面對好多問題同壓力，但不滿意她在記者會交代得咁含糊，令外間對Marie有咁大誤會。（她是否好多底線？）唔係，她好鍾意低胸，反而我哋唔想她低胸，唔知她有咁多底線。（知她曾結婚？）她話自己單身，唔知她結過婚。」

莊思敏做過莊端兒經理人，但認為Marie幫對方好多。

莊端兒日前開記者會，宣布已單方面提出解約。

莊思敏剪了Punk頭冇得同宋仲基拍廣告。