朱潔儀一人超市漫遊

係！東姑知道，一個人都可以活得精采，最新人辦就有前港姐朱潔儀（Donna）嘞！話說早排東姑去太古城Apita超市上倉，就撞到呢位八九年港姐亞軍喇。你知啦！為屋企上倉呢家嘢，梗係要身邊有個special one，先至夠sweet夠窩心，但係東姑見Donna只係單拖action，健康地買nuts買芝士，又現晒童心咁買埋多啦A夢包裝嘅零食，直情係真人版嘅一個人的童話！

但係現實邊有咁多童話吖？東姑就現實地睇埋Donna畀錢嘅環節，精采o架！當你睇到佢個Marc by Marc Jacobs銀包有成萬蚊cash（目測咋！），都仲要用credit card找數，就不禁為單拖嘅美魔女擔心⋯⋯所以東姑都「護送」Donna去停車場，睇到嗰個弱不禁風嘅背影，老土啲都要講：The best is yet to come呀！

Donna一個人去超市入貨，上身露肩下身show長腿，個look充滿青春氣息，前睇後睇都估唔到佢係八九年港姐。

一見到多啦A夢嘅特別版零食，Donna即刻童心盡現，愛不釋手。

嗱！有圖有真相，近半吋厚嘅五百蚊紙，目測點都有成萬蚊啦！東姑冇呃你o架！

查實要run一頭家，絕對要精打細算，你睇Donna買雞髀都揀減價貨，應慳則慳。

睇到Donna呢個lonely嘅背影，東姑祝福佢嘅春天快啲來臨⋯⋯Bless you！