莊思敏40度拍古裝險中暑

莊思敏（Jacquelin）早前到橫店拍攝魔幻古裝新片《神魔道》，與王祖藍組長短腳之戀。由於當地氣溫超過四十度，她險些中暑暈低，更因古裝衫太重不便如廁，要忍尿繼續開工。

Jacquelin的deep V戲服雖然性感，但日日焗在無冷氣的攝影棚開工，搞到向來捱得的Jacquelin首次拍古裝就難免爆汗，更差點熱到中暑暈低。Jacquelin表示，試過狂飲水降溫，但飲得水多又經常去廁所，加上着住古裝衫如廁又麻煩：「着住件重十幾磅重嘅古裝衫，去廁所真係好唔方便，揪住件衫都手軟。大陸啲廁所濕漉漉，又驚整污糟件戲服，所以最後解決方法係冇必要嘅時候唔好郁，避免用太多體力，咁就唔會流咁多汗。」

莊思敏在氣溫超過四十度的橫店與王祖藍拍攝新片。

莊思敏的deep V戲服雖然性感，但日日焗在無冷氣的攝影棚開工，Jacquelin都覺辛苦。

莊思敏認為古裝衫太重不方便如廁，飲水都可免則免。

莊思敏慶幸主要對手戲都是王祖藍，可以在片場開心爆笑。