不敢抬起頭

近幾年，唔少「咪神」於無綫成功彈出，例如：高海寧、張秀文、陳婉衡等，而現年二十五歲，貌似「台灣女神」陳妍希、身材出眾的陳偉琪（Vicky）亦被無綫安排聯同朱智賢、劉溫馨、趙希洛及「小雲」陳芷尤主持《玩盡澳門無限式》，五女齊齊以水着示人，吸睛指數爆晒燈！

雖然Vicky因激凸上圍而知名度大增，更成為「宅男女神」，但她坦言有時卻因此而增添煩惱，「畀人性騷擾，當然有！有網民喺我社交平台上寫啲好露骨、好肉酸嘅留言之外，更會收到陌生男子嘅『肉照』，都會好驚同好尷尬；而細個嘅時候，我仲因為早發育而唔敢挺直個身嚟行，搞到我有一段時間有少少寒背，之後我媽咪更正番我嘅錯誤行路姿勢，我腰骨先直返。」足見「咪神」成長之路，都有鮮為人知，有苦自己知的一面。

男仔頭性格

在加拿大長大的Vicky，性格爽朗，行事不拘小節，拍攝她以水着示人，沒有半點扭擰；她還要在烈日當空之下，連環擺出多個性感甫士，非常專業。稱讚Vicky擁有驕人的女兒身外，更有男兒豪邁的性格，她反而有點無奈地表示：「其實我好男仔頭性格，乜都冇乜所謂。好似咁，我平日去游水都唔會着三點式，但我知道大家想我着，咁我咪着囉！同埋，我個人好簡單，我鍾意你嘅話，我會好開心咁攬住你，唔鍾意你時，亦會好直接咁避開你，好多人鍾意我呢種性格，但亦有好多人反而覺得我好假，唔鍾意我，所以搞到我唔知點做先啱！」

Vicky’s Profile

年齡：25歲

三圍：36E、25.5、35

身高：163cm

學歷：加拿大卑詩省大學政治系畢業

入行：「2011年溫哥華華裔小姐競選」奪得亞軍，「2013年香港小姐」晉身五強及奪得現場最受歡迎佳麗獎。

作品：《玩盡澳門無限式》、《愛‧回家之八時入席》、《潮流教主》、《3日2夜》等。

嗜好：打籃球、打排球、彈豎琴及鋼琴。