王浩信偷拍何雁詩
早排，王浩信為無綫劇集《致命復活》開工，因為喺車上拍攝爭執打鬥戲分而受傷。事後，佢喺社交網貼相，其中一張頭部包紮咗，臉容憔悴，左邊面有紅印兼微腫；而另一張則左額貼咗十字紗布，同老婆一齊戴住口罩報平安。王浩信透露意外時因輕微腦震盪，所以冇咗一啲記憶，好彩只係頭同面少少皮外傷，冇傷到腦部同骨，手指需要縫針，其他一切還好。
日前，東姑出席《EU超時任務》宣傳活動時，就親眼見到王浩信非常精靈嘅一面，睇嚟佢真係一啲事都冇，各位粉絲可以安心！當日，王浩信心情大靚，何雁詩上台表演唱主題曲嗰陣，佢仲好鬼馬咁扮粉絲，用手機拍低何雁詩嘅一舉手一投足。嗱，大家睇到，王浩信真係完全好番晒！
王浩信唔止聽歌咁簡單，仲攞埋部手機出嚟拍低佢。
何雁詩唱歌咁動聽，令到喺台下嘅王浩信極之陶醉。
