搶完蝦搶生果 遊客嚇窒侍應
日前,網上廣傳一段「中國遊客泰國搶蝦」短片,即引起熱話,大家都覺得他們的行為令中國人蒙羞。之不過,曾到此光顧的中國遊客,對此事就有另一睇法,他們認為用盤鏟蝦是因為餐廳人多,用餐有時間限制,故鏟蝦絕對冇問題。搶蝦因為時間有限,但其實搶嘢食嘅人亦有好多,近日又有網友拍得有遊客到越南用餐時搶生果的場面,短片就見侍應欲把生果盤放在枱上,但就被他們包圍,他們更如喪屍般不停伸手盲搶,嚇到侍應面都青埋唔敢郁,最後急急腳把生果盆放到枱上,然後迅速走人。而這班餓鬼上身嘅遊客嚟自邊度,有網友就話係內地同胞,但亦有人話係新加坡旅行團,係邊度都唔緊要,最緊要係下次出遊時,唔好搶嘢食咁失禮就得喇!