吳若希師妹榨汁籌醫藥費
現年二十一歲的樂壇新進女歌手岑日珈,跟吳若希出身自同一間經理人公司,份屬同門師姐妹。近日,她公開自己患上婦科病,子宮生巨瘤,並需要接受手術割除。
本刊發現,岑日咖連日來頻撲出入養和睇婦科、又睇中醫、又買冬蟲草調理補身,實行中西合璧治療;不過,醫藥費都幾「揦脷」。難怪,她一有時間便返回老竇的生果鋪幫手榨果汁,賺得幾多得幾多!
岑日珈一有時間便到父親位於土瓜灣的生果鋪幫手,表現非常落力。
被吳若希叫做「老竇」的戴榮添(Simon),亦同為岑日珈的經理人,兩人份屬同門。
手術延期
現年二十一歲的樂壇新人岑日珈,早前驗出子宮長了七厘米的不良指數水瘤,為免病情惡化,醫生提議她應要盡快入院,接受手術移除。
可是,因為第一次擔任女主角、由葉念琛導演的電影《PG戀愛指引》快將上映,岑日珈為電影宣傳惟有將手術延期,暫時接受中西合璧的治療,既睇婦科又食中藥,控制病情。
日前,本刊發現岑日珈在跑馬地的養和醫院,獨個兒到婦科部覆診,見她候診時神色憂心忡忡,似乎仍為自己的病況擔憂。
睇完婦科醫生後,岑日珈先前往銅鑼灣一間藥行,見她選購每両過萬元的冬蟲夏草,應是買來補身。其後,她又轉到九龍城著名的「日安新城門」中藥行,排隊睇中醫,相信她是想以中藥調理身子。
全日既睇中醫,又睇西醫,且買補品,估計岑日珈負擔的醫藥費絕對不輕,對於仍在娛樂圈力求上位階段的新人而言,收入有限,自然是一大重擔。