成都新地標 熊貓下面等
成都是四川省省會,天府之國,有二千多年建城歴史,係中國首批歴史名城之一,讀大學時跟同學柴娃娃去過旅行,點知一落機就發燒,全程混混沌沌,印象跟一般發展中的內地城市差不多。上周重遊舊地,才驚覺發展何止一日千里,由機場入市中心,沿路都見不少高樓大廈,最繁盛的商業區,商廈與酒店並列,一派蓬勃景氣。
成都古時屬巴蜀之地,地勢險要兵家必爭,今日它是中西部地經濟實力最強的城市,原來落戶成都的︽財富︾世界五百強企業就有二百多家,在企業數量和投資額都係中西部城市之首。
九倉喺成都核心商圈春熙路嘅「成都IFS」,一四年開業以來,即成為城市新地標。據九倉副主席李玉芳講,IFS煞食招之一,係一隻十五米高的熊貓藝術裝置,成隻懸掛在大樓外面,好多人好奇喺外面睇,又會入商場睇,吸引唔少人流,更成為熱門約會地點,一句「熊貓下面等」,就知道約在那裡。
李玉芳話,這個地標裝置屬無心插柳,話說當年開幕時,大夥抓爆頭要搞些賣點,好多人同佢地講做熊貓藝術啦,她都嫌普通太沒看頭,結果美國專業設計師Lawrence Argent建議做個戶外熊貓裝置,她一聽知道有得諗,立即去馬。呢隻由戶外爬入、飛簷走壁似的大熊貓,瞬即成為熱點。李玉芳話本來打算只喺短期展覽用,點知大獲好評,依家就變成永久裝置。
大熊貓的正面,樣子可愛,吸引唔少人拍照。
說回這個集合一線品牌嘅購物中心,佢地唔止打開門做生意,而係主動出擊,建立貴賓會員制,用精選活動和購物優惠去吸引消費得起的貴客,例如邀請佢地參加派對,唔好睇少呢啲社交活動,有ball去,女仕們自然肯花錢買衫,加埋化妝整頭,就是筆大消費。現時IFS貴賓會會員人數有五萬人,較去年增長百分之百,貴賓會會員佔商場銷售額達四成。