未同過韋家輝合作 弟弟韋家雄一直靠自己
在娛樂圈打滾二十六年的韋家雄其實有個著名的監製哥哥韋家輝，最近他亦終於靠自己實力奪得今年最佳男配角，可謂繼哥哥後，為屋企人再添歡喜。雖然家雄、家輝從未試過合作，但家雄有意效法哥哥嘗試幕後工作。
五十歲的韋家雄演出的作品近八十部，談到自己覺得最深刻的角色，他說：「個個角色我都鍾意，最鐘意就係《談判專家》嗰阿全，令我神經衰弱。」原來他有畏高，但成套劇集不時要他的角色跳橋、跳樓、跳海、玩跳舞機同過山車：「係我弱點，未試過拍戲真係暈咗喺度。」
身為著名監製哥哥韋家輝的弟弟，家雄稱奪最佳男配角後，哥哥第一時間在家庭電話群組恭喜自己：「佢祝我下年攞視帝。究竟佢恭喜定唔係恭喜我，我都未做主角，點會攞視帝。」家雄又坦言從來沒想過跟哥哥合作：「咁多年都冇合作。但佢搵過我一次，嗰時拍《一個字頭的誕生》，但個timing唔啱。」他續指合作不成是好事：「起碼我入行以嚟唔會因為我哥哥而喺呢行生存，啲人覺得角色啱我就搵我。」
韋家雄終靠自己實力奪得今年最佳男配角，總算在娛圈打滾二十六年得到大家認同。
