謝天華揸綿羊拍拖
謝天華自前年脫離無綫後，自立門戶開經理人公司Laughing Workshop，打入內地市場狂賺人仔。雖然近月忙為《歲月友情演唱會》做內地巡迴，但今年初老婆Tina一索得男，他一有空亦即回港陪妻兒。
日前謝天華夫婦撇甩囝囝Theo，拍拖到大坑大排檔撐枱腳。東姑見Tina臨走時拎出兩舊水埋單，而謝天華則去揸定架綿羊仔出來載老婆，兩公婆仲黑超情侶look，夠晒浪漫。
謝天華和老婆Tina到大坑食大排檔，他揸綿羊仔出入，方便跟老婆遊車河。
他於內地節目大晒囝囝私照，八個月大的Theo十分可愛。
他先上車，乖乖等老婆傾電話。
謝天華揸住架綿羊仔係威係勢，對住東姑鏡頭任影。
產後的Tina雖然未修身，但心情靚爆，拎住兩張紅衫魚找數。
