傅明憲潛上癮
回復單身的傅明憲（Gigi），本月中度過45歲生日，對於於前男友莊家彬被影到背女友會Mango，她說：「我唔知，我enjoy緊自己個trip，每年生日都係同朋友食飯唱K慶祝，今年想特別啲，去咗潛水慶祝。」
傅明憲在2000年開始玩潛水，今年趁有時間，考獲緊急第一救援牌（ Emergency First Response ）和潛水長牌（Dive master）。早前她在海底遇上突如其來的如「十號風球」強勁的急流，處變不驚為自己脫險，她大讚好玩。潛得大膽的她，十五年來她只等一個人，陪她到南美洲潛水看鎚頭鯊，「搵唔到partner，啲人唔係嫌遠，就話覺得好恐怖，等埋呢兩年，無人陪我就自己去。」
貪靚的傅明憲穿上紗裙在水底影靚相，條裙不停浮起，為免「走光」要用手按住。
傅明憲早前與好友結伴到菲律賓潛水，更齊齊穿上casual wear在水底開party。
海底遇險
傅明憲本月生日，早前到菲律賓潛水慶祝，她與友人由朝潛到晚，「菲律賓水質清，呢度主要看大海龜、大貝類，當地潛水消費較經濟，比起馬爾代夫、大堡礁平好多，今次因為有經驗淺嘅朋友同行，所以只係潛到35米左右，平時我哋會潛到45米深。」
她喜愛粉紅色的潛水裝備，度身訂造的Hello Kitty頭套，購自日本，約一千多元，呼吸調節器是好友謝天華送的生日禮物。
