陸宏隆醫生——醫學美容的傳奇人物，女兒陸凱兒承襲父業，由初出道時以父女檔拍住上為病人解決皮膚問題，至近年在中環開設個人診所，憑着標致面孔及和藹態度，轉瞬成為新一代著名醫學美容醫生，火速打出名堂，父親絕對功不可沒！

「我從來冇要求仔女要做醫生，因為做呢行真係好辛苦，既然個女對呢方面有興趣，我當然鼓勵同支持，當時佢讀醫讀得辛苦，我都同佢講：『唔緊要，慢慢校番啱啲時間，屋企唔係等你出嚟做嘢開飯！』我管教仔女冇咩特別嘅方法，以愛為主就得喇！」束着辮子的隆宏隆醫生認真的說。

陸宏隆醫生與太太育有兩女一子，只有二女陸凱兒才承襲父業，成為皮膚學碩士醫生。

一○年三月，陸凱兒醫生下嫁歌手兼演員高皓正，漂亮新娘引起外間不少艷羨的目光。

溫室小花

一○年三月，歌手兼演員高皓正結婚，太太是頂級美人兼醫生陸凱兒，亦即是陸宏隆醫生的二千金，其時有指女家富裕，高皓正男卑女尊，陸宏隆醫生卻從不計較女婿身份及身家，只要是女兒喜歡的，他便喜歡！陸凱兒甜笑着說：「爸爸成日同我講，揀老公一定要揀自己鍾意嘅，就算他日個男人對自己唔好，總算係自己揀嘅、自己鍾意嘅，有咩都抵！」她笑言，以往的男朋友為了取悅父親，都會跟他打網球聯誼感情，「我爸爸一星期打三日網球，卒之個個畀佢搞到冇氣唞，高皓正就叻喇，佢唔打網球嘅，佢打籃球！」

陸凱兒醫生現已成為人母，女兒高純意今年三歲，幼子高神悅今年一歲。