坤哥變Sam哥 姣溝型男古仔
電影《衝上雲霄》上映幾日，票房節節上升，截至二月二十五日票房已超過二千萬，成為港產片之冠，故電影公司於二十五日舉行新年團拜暨慶功宴。《衝上雲霄》大賣，一班型仔機師「Sam哥」吳鎮宇、張智霖、古天樂當然功不可沒，冧死唔少女fans之餘，就連平實坤哥(吳業坤)都要扮Sam哥過癮一吓，昨日(二月二十七日)電影公司就上載了一個《衝上雲霄》惡搞版到Youtube，於MV中坤哥一人分飾兩角，既扮大咪女空姐，亦扮型仔Sam哥，向古仔表白心意，MV笑爆嘴！
坤哥扮大咪空姐造型嘔心，重口味到冇朋友。
《衝上雲霄》惡搞版MV中，坤哥一人分飾兩角兼唱埋歌，認真有心有力。
