葉問第三代傳人冼國林 唔分身家畀仔女
師承詠春一代宗師葉問的長子葉準,有「葉問第三代傳人」之稱的冼國林,七歲起習武,十二歲便做非法童工,幫補家計;縱使會考得四分,卻懂得發憤圖強,攻讀金融課程,○六年更到英國倫敦城市大學修讀法律研究文憑,翌年返港創辦第一信用財務公司,現為第一信用財務(8215)及國藝娛樂(8228)兩間上市公司的主席。
冼國林奮鬥大半生,建立輝煌的事業,但卻從未寄望三名子女要承繼其生意,「我唔會望子成龍,但會支持佢哋做正確、應該做嘅嘢。何況,我本來就無一物,窮過鬼,點解啲仔女可以不勞而獲呢?假設我將來唔喺度,啲錢會畀我太太,仔女我一個仙都唔會畀,我要佢哋靠自己!」
出身貧困家庭的冼國林,憑着個人努力,創辦了兩間上市公司。
冼國林與前妻所生的兩名兒子Mega(後)及Max(前),跟同父異母的妹妹阿恩相處非常融洽,阿恩尤其喜歡黏着二哥Max。
親子打功夫
冼國林與前妻育有兩名分別十二歲及十歲的兒子,長子英文名叫Mega,次子名叫Max,均有「龐大」的意思,冼國林坦言,雖然兩名兒子於八年前便與他分開居住,但無論工作如何繁忙,他也堅持父子仨每星期要見面一次,爭取親子時間。