大多數的名人後代，都會繼承家族生意，將業務開枝散葉；不過，對已故億萬馬主兼著名則師明嘉福的孻子明德豐而言，除了正職做家族的旅行社生意之外，更醉心於演藝事業，九八年開始當特約演員，演過多套電視劇和多齣電影，成為出名的富二代「茄哩啡」。

家庭方面，明德豐育有三名子女，希望組織一個大家庭，對子女有時會比較嚴厲，但大前提必定先講道理，最後才使出絕招。他每每在鬧子女之時，必先憶記當年父親責罵他時的語氣和神態，再活用平時演戲所學的「方法演技」來教訓子女。「 我一惡佢哋就會好驚同成身都震埋！」

明德豐與太太不會強迫子女學習興趣班，而是以「玩樂」性質居多。「我哋覺得逼佢哋學嘢，毫無進展就唔好學，浪費心機之餘又浪費錢；以前，試過每個星期車個仔去學溜冰，但佢好抗拒又唔識，咪唔再畀佢學。」

在《喜劇之王》一戲中，明德豐雖然只是茄哩啡，但卻有幸與周星馳同場演出。

齊人開飯

明德豐（Sherwin）是已故億萬馬主兼著名則師明嘉福的孻子，身家豐厚，正職做旅行社生意，但他卻醉心演藝事業，九八年開始當特約演員，很多電視劇集和電影都看到他演的「小角色」，例如：TVB劇集《愛回家》、《叛徒》、《公主駕到》及《畢打自己人》等，「我自小鍾意做戲，通常都係做銀行經理、商人、CEO，總之多數都係着西裝角色，搵親我演嘅角色都有對白，最開心係同一班人圍讀，但最唔enjoy係等埋位。」而太太在行動上也支持他拍戲，最深刻的是拍電影《撲克王》之時，「喺套戲度我做劉青雲嘅左右手，成日要凌晨四、五點去澳門拍戲，雖然辛苦，但太太都叫我堅持拍落去，有時仲會做我嘅司機。」

○四年，明德豐新婚之喜，李嘉誠到場贈興，他與父親明嘉福一起迎賓。