有娛圈「溝女王」之稱的李思捷，自去年八月與拍拖五年的「味之天使」春卷分手後，一方面繼續與她藕斷絲連，食飯睇戲買餸照舊；另一方面又貫徹「雜食」本色，先後與陳雅倫、胡杏兒等傳緋聞，就連嫁作人妻十四年的萬綺雯都唔放過，兩人曾被拍得疑似當街咀嘴，關係親密。

「不倫戀」曝光後，萬綺雯即以「同老公（陳十三）仲係好好」作回應，早前更於微博上載多張跟老公的啜爆相，以證情不變。眼見萬綺雯啜番實老公，識趣的李思捷，極速另覓目標；本刊發現他的新歡是年逾三十歲的財務公司揸fit人Rene Lee。日前，Rene舉行生日派對，李思捷長伴左右之餘，更發揮扮嘢才華狂唱情歌示愛，期間還把她一擁入懷，既搭膊又拖手，冧得伊人笑逐顏開。溝女王，果然名不虛傳！

在新歡的生日派對上狂歡後，至凌晨一時許，李思捷才由兩名男友人陪同下腳步浮浮地離開。

雨中嘴對嘴

早前，李思捷與「人妻」萬綺雯（蚊蚊）被拍到於深宵街頭撐傘，還疑似情到濃時咀嘴，舉止親暱得令人嘩然。事後，萬綺雯就主動開腔回應，表示自己的行蹤向來也有向「隊長老公」報告，並表示疑似接吻相是「角度問題」，「我明白記者同攝影師花咗好多時間同精神，如果一個咁嘅報道，令到賣紙賣得好，我唔會放喺心上，總之我同老公仲係好好！」更明言不會因此與李思捷保持距離，「如果唔係事實嘅新聞，令到好朋友唔可以見嘅話，咁點樣界定係好朋友呢？」

李思捷搭着Rene的香肩，女方亦禮尚往來地緊攬男方的腰部，舉止親暱得如熱戀中的情侶。

李思捷與「人妻」萬綺雯於今年初便傳出緋聞，早前更有雜誌拍得兩人疑似情到濃時接吻。不過，近日萬綺雯就頻頻在微博晒與老公陳十三的恩愛相，以證情不變。