周家蔚 教仔謝絕負面字
「女人有個家就最安心喇！」一二年下嫁洪天明的周家蔚歡愉的說。
她一邊整理開張兩個多月的嬰兒用品店產品，一邊分享其成為人妻人母的喜悅，一千五百呎的店子彷彿瀰漫着少婦的幸福氣息，令人也躍躍欲試。
在加拿大成長的周家蔚，○六年回港參選香港小姐並加入娛樂圈，縱使星途平平，但造就了她與洪金寶之子洪天明的良緣，兩人婚後一年便誕下愛情結晶品洪大仁（TJ），令「細路女」驟變人母，要照顧家中一大一小孩子，「有時都會驚歎自己原來已經做咗人阿媽，我認為做家長一定要以身作則，我唔贊成鬧同打，同時亦要戒晒所有負面字眼，譬如：『你好曳呀』要改成『你要乖啲呀』、『唔好打』要改成『be gentle』等等。」
去年初為洪天明誕下兒子洪大仁的周家蔚，於今年六月投資七位數開設嬰兒產品店，並以「The 7th Day」命名，名字由來取自《聖經》，意謂讓神去保守看顧。
為食家族
「TJ嘅性格好可愛、好鍾意笑，乜都笑一餐，佢依家呢個階段鍾意模仿人，你做乜佢就做乜，記性好好，喺呢方面唔似我，我希望佢唔記仇啦！」周家蔚如此形容兒子洪大仁（TJ）。
貴為影壇重量級人物洪金寶的長子嫡孫，TJ備受寵愛之餘，亦深受洪家遺傳，食量驚人，「好在佢食極都唔肥，佢鍾意食嘢嘅程度似晒我同天明，同埋老爺（洪金寶），乜都食，仲要食好多；如果佢手揸住嗰樣嘢係食得，你千祈唔好問佢攞，佢會即刻成嚿塞晒入口。」周家蔚笑說。
香港出世、七歲移居加拿大的周家蔚，○六年回港參選香港小姐並奪得亞軍殊榮，縱使未有在娛圈發光發亮，但現在也完成了童年的夢想——做個家庭主婦。在她而言，「女人有個家就最安心喇」，「一男一女結婚生小朋友組織一個家庭，然後白頭到老！可能因為我父母好早就分開，所以我更渴望被愛、渴望有個完整嘅家！」
去年，洪天明帶着太太周家蔚、兒子洪大仁，還有父親洪金寶及繼母高麗虹，齊齊拍攝家庭慈善月曆，以支持谷祖琳致力推動的思覺基金。
