Jessica C.豪情攬仔

名模Jessica C.喺呢行有兩樣嘢最馳名，一係「警鐘胸」，身材激凸你冇理由未聽過；二係呢個鬼妹仔，出晒名對人非常熱情，名副其實nice到冇朋友。

東姑見Jessica出席唔少function，發現佢上至客戶老闆級，下至圍影佢嘅電車男「龍友」，都無分階級咁勁親切平易近人，可能呢啲就係佢嘅鬼妹仔性格。早排見佢出席一個商品宣傳，走嘅時候遇上一個捧佢場嘅「龍友」粉絲，Jessica居然全冇避忌咁同對方擁抱道別。

莫講話Jessica冇男女授受不親呢套，仲咁鬼豪情攬仔冇話怕蝕底，畀着港產名模同埋國內名模，邊有佢咁賣大包o架？假如東姑係男仔都抵唔住，一定like爆佢！

鬼妹仔性格嘅Jessica，對人熱情如火，雖然只係「龍友」粉絲，但佢走嘅時候都同人擁抱道別。

Jessica份人真係nice到暈，攬完人仲依依不捨同人拉手道別，呢位粉絲肯定冧到暈得一陣陣。