大隻佬肌肉演奏曲
有無諗過除咗我哋嘅手手腳腳同口之外，身體其他部分都可以用嚟奏樂呢? 最近有個大隻佬就用身體不同部分嘅肌肉，為大家演奏，實實在在咁表演咗人體嘅神奇，同音樂嘅「力量」。佢用感應器將自己身體與不同嘅樂器機關連接，當佢不同部分嘅肌肉一郁，個樂器就會發出不同聲音。片中那個大隻佬起碼分別控制緊多於十嚿肌肉，單單係腹肌都分咗六部分，見佢啲肌肉係咁郁，真係幾過癮，而佢就睇落相當輕鬆，但做落就好難，令唔少人都Like爆，更有人要以佢為目標咁話喎!
對於一般人嚟講郁一兩嚿肌肉都未必係易事，但大隻佬就一次過控制十幾嚿，仲要郁得咁輕鬆，抵佢得戚嘅!
啲機關都做得好仔細o架，同埋個喇叭仲識噴火添。
