劉夢熊陶傑密斟新節目
前全國政協委員劉夢熊又有新搞作，本刊記者上周二晚在銅鑼灣，撞到他跟才子陶傑密會撐枱腳。事後記者致電「Dream Bear」八吓，他透露原來兩人好老友不時會面，但當日見面就有特別任務，「本月底或下月初，將會逢周一、五晚在亞視主持新節目《尖睥天下》，一共有五十二集，咪問吓陶傑意見！」
「Dream Bear」不時上陶傑主持的商台節目《光明頂》做嘉賓，今次輪到他做主持，當然請番陶傑做嘉賓，討論城中熱話、內地及國際新聞。佢又話，飯局中大家都有交流反佔中，仲打算將來邀請「佔中三子」上節目做嘉賓，擦吓火花。作為特首梁振英的「前頭號粉絲」，會否邀請他？「講政治理念或者會。」不怕食檸檬嗎？「係亞視負責邀請又唔係我，有乜好怕？」
