蔣怡 幸福Gathering
名模蔣怡（Coco）去年與珠寶設計師翁狄森（Dickson）結婚後，同年七月誕下女兒翁容（Uma，乳名嗡嗡），一家三口樂滿天。
不過，怕悶的她近月已急不及待重投工作，既拍奶粉廣告，近日又做香水代言人，雖然已是人妻兼人母，但身材和樣貌依舊，魅力十足。
踏入七月，她又忙於籌備女兒一歲的生日派對，預計宴請逾百親友一起gathering，「做媽咪雖然辛苦，但見到個女一日一日咁成長，真係感覺好開心，雖然o依家好多事情都會諗咗個女先，但一有機會我都會撇低個女，點蠟燭或者出埠同老公過二人世界，做了媽媽，我都想有自己的愛情生活。」
有事業、有家庭、仲識享受愛情，在蔣怡身上，看到了「幸福」兩個字。
蔣怡坦言生了嗡嗡後，性格變得好有耐性：「以前我做任何事，只要有人阻住我，會覺得好討厭，但o依家任何時間都stand by畀BB，做緊咩都會即時放低，咩都以佢為先。」
湊女收身
雖然蔣怡已為人妻兼人母，但在鏡頭前，卻能火速回復專業模特兒身份。訪問當日，她埋位擺甫，駕輕就熟。即使一連做了幾個訪問，依然精神奕奕，未見疲態。
「做了媽媽後，體力更比之前好，日日都覺得好好精神。其實我都幾令人羨慕o架，生BB前後，冇水腫、冇肥、皮膚又冇變差，體形同佗B前完全冇分別。」
