佛誕東大街巡遊 舞獅團耍旗竿雜技
今年佛誕筲箕灣東大街一如以往人頭湧湧,堆滿睇舞龍舞獅的市民,當中有唔少市民深信摸龍身、摸龍頭可以拿一個好意頭,不過摸時摸,都要睇吓四周環境至好摸,如果唔係隨時中頭獎。如今日(五月六日)多個佛誕舞獅團沿著東大街出發到譚公廟祈福,當中一隊年青舞獅團拿著旗竿大耍雜技,他們除了單手頂起約三層樓高,重二十磅的旗竿外,更有師父仔用頭頂起旗竿,表演其平衡力,不過旗竿就左搖右擺,前仰後翻,非常危險,嚇得途人嘩聲四起,幸好多名同門師兄弟及時上前抱着旗竿,免得旗竿倒下弄傷途人。