因為「重口味」三個字，令江美儀近年建立了良好的觀眾緣；又因為「襟撈爛做冇投訴」，劇接劇冇停過，連早前因感冒咳到拉傷筋骨肌肉，亦要繼續帶病為新劇《使徒行者》趕工。

唔慌冇工開，感情方面，四十三歲的她，跟吳君如胞弟吳君祥（Vincent）拍拖八年，共同生活兼一起開設娛樂公司多時，每次公開露面均表現得如膠似漆，但實情二人私底下幾近零火花，就連每被問到婚期，也會異口同聲採取拖字訣。

表面上，二人關係似是打風都打唔甩，但日前一個凌晨，本刊卻發現Vincent於卡拉OK消遣後，便與一短裙女子旁若無人十指緊扣離開。

捱到金睛火眼之際，男友仲要變成甩繩馬騮，中女如此，江美儀的確稱得上坎坷。

上周四（十七日），江美儀孖着男友吳君祥於梁思浩生日會上影鬼馬全家福，對男友日前拖女夜蒲卻懵然不知。

甜蜜街頭

日前本刊發現吳君如胞弟、江美儀男友吳君祥（Vincent）面帶笑容，徐徐步出位於灣仔杜老誌道的Red MR卡拉OK，其時，一名長髮樣子甜美、穿着短裙的女子，則與他並肩而行，左手一直與Vincent緊緊拖到實。

在生日會上二人整晚表現得如糖黐豆，跟下午見面時完全兩個樣。