無綫挽口碑 招百名幕後精英

正所謂有競爭才有進步，最近無綫多套劇集同綜藝節目都被網民批評質素欠佳，更有人發起本周二台慶晚熄電視行動，無綫要急急度出「收視過三十點就捐三百萬」來抗衡，相信好大機會奏效。

過了台慶一關，無綫決定轉守為攻，電視廣播集團總經理李寶安（圖）、總經理鄭善強等高層，周一跟傳媒友好飯局時話，明年將公開招募一百名幕後精英，包括編劇、製作人員等，經過約半年訓練後，由他們炮製一些創新、好睇的節目，在J2台播放。

「編劇真係好難搵，新請的太後生，無乜經歷，希望那些覺得自己掂的人來試吓，不過製作成本不高，一小時約三十萬元，做得好可以轉去翡翠台。」李寶安笑說。今次無綫相當揼本，據聞預計投資幾百萬，睇嚟真係有決心力挽收視和口碑。