羅仲謙任女啜爆
好耐冇喺TVB蒲頭嘅佘詩曼，上周率領一班好姊妹湯盈盈、周家蔚、姚樂怡、梁靖琪、文頌嫻和鍾麗淇以BB打扮，响《獎門人》迎戰馬德鐘帶隊嘅「飛虎」隊。雖然在場嘉賓中有昔日緋聞男女，亦有些已為人父母及有另一半，但依舊玩得又癲又放，笑料百出。
全晚最精采可謂姚樂怡及梁靖琪狼啜羅仲謙，阿佘與曾傳緋聞嘅馬德鐘對叠玩「吹乒乓」外，兩個無尷尬，仲風騷嘴對嘴。成班「巨B」女爛玩性格表露無遺，難怪獎門人曾志偉以「中女組」及「七妖女」介紹佢哋出場啦！
梁靖琪與羅仲謙玩「吹乒乓」時，不知有心定無意失手，互咀幾次。
啜完梁靖琪又啜姚樂怡，謙仔為爭勝玩到嘴對嘴，小心楊怡呷醋呀！
