影帝張家輝在電影《激戰》中飾演拳手，為求有最佳表現，去年用了九個月，操練出完美身形，身上「人魚線」與「六嚿腹肌」一出，即讓全城男士羨慕、女士興奮。

不過，原來谷肌過程極為艱辛，讓家輝難以負荷，為免影響身體健康，他已明言就算日後有人肯出一億，都不會再谷肌拍戲，這次為《激戰》而谷肌，相信會成為絕響。

驚到封肌

張家輝和彭于晏去年為拍《激戰》，進行地獄式訓練，家輝更稱因而日日都無啖好食，谷肌九個月中，每天練肌六至七個小時，餐單就是蛋、白烚雞肉，還要戒鹹、戒油、戒糖、戒澱粉質，為的是要練出一副幾乎零脂肪的軀體和一身肌肉，由於家輝要一段時間改變飲食習慣，初期身體難以適應，拍戲時整個人無氣無力：「真係拍到我驚，拍到我離魂！」家輝自爆拍戲時曾試過忍不住口，半夜跑去火鍋店「偷食」了兩盤牛肉。

後來導演林超賢，曾提到想拍《激戰2》，家輝竟然即時拒絕並叫導演另覓演員：「我唔會再操咁大隻拍戲，就算出到一億都係咁話，我身體真係負荷唔到！」

拍完《激戰》，家輝宣布「封肌」，「六嚿腹肌」的完美身形將成絕響。