陳雅倫嚇親細路
已經四十七歲嘅陳雅倫，失蹤多年後今年復出，仲同李思捷搞緋聞經常見報谷人氣，有傳佢想出番嚟拍劇喎。東姑見陳雅倫成日袒胸露臂，睇嚟佢仍然想走性感路線，好在佢雖然手腳都粗咗，但上半身仲好有曲線，身形都算keep得唔錯。
不過，陳雅倫有時賣弄性感真係over咗，上周四晚（二十五日），東姑去《超級無敵獎門人終極篇》探班，佢着住件低胸衫同個細路女玩遊戲，就不斷「烏」低身，露出驕人嘅事業線，真係難為身邊個細路女。而個細路女睇嚟好尷尬，唔知點應付呢種場面？好彩佢係細路女啫，若然係細路仔怕真係會留下陰影呀！
陳雅倫一直狂騷身材，被攬嘅細路女就顯得好尷尬。
