傅明憲勞氣街頭
東姑猶記得九九年，當傅明憲（GiGi）娛樂事業有起色嘅時候，佢就毅然下嫁咗畀海域集團嘅主席葉劍波，○六年海域「爆煲」，○八年GiGi就宣布兩人已經離婚。
回復單身嘅GiGi，經常出入ball場，成日拖啲狗去做善事，得閒扮吓靚、劈吓酒，生活優哉游哉，繼續富貴生活。計吓計吓今年GiGi原來已經四十有三，成日去夜蒲，啲皮膚仲可以正過啲十八、廿二，肯定花費巨資。
日前，東姑喺中環見到GiGi，佢去完ball出嚟，着晒成身晚裝，好有氣質、好高貴，之但係行到去七人車前上車之際，佢就忽然嚟料，起晒弶咁款，口擘擘兼手指指，好易畀人誤會係潑婦罵街噃，咁鬼勞氣，小心啲皺紋出晒嚟，真係使多多錢都補唔番。
日前，東姑喺中環見到GiGi傅明憲，佢着住對四吋高踭鞋行得鬼咁快，好似好趕咁樣，真係替佢對腳有啲擔心。
