陳雅倫愈揸愈開心
o依家見到陳雅倫(Ellen)就總係諗到李思捷,雖然明知佢哋嘅姊弟戀係Ellen復出嘅「頭炮傑作」,但係佢兩位嘅緋聞真係令人睇得津津樂道,亦非常引人入勝。
米雪同Ellen一見面即傾到雞啄唔斷,米雪仲好親切咁捉住Ellen雙「肉」臂添。
先講番Ellen嘅工作,月前佢演出完由曾志偉監製嘅電影《光輝歲月》後,又傾緊參演由志偉監製嘅TVB新劇《Aerobic Girls》,咁鬼多job,怪不得Ellen近日頻頻蒲頭做宣傳。日前,東姑喺新光戲院就撞到Ellen同米雪,兩位美人久別重逢特別多嘢傾,而好熱情嘅米雪一邊講就一面揸住Ellen雙「肉」臂,兩人仲傾到雞啄唔斷。東姑現場所見,米雪愈揸愈實,而Ellen就被愈揸愈開心,真係唔知佢兩位有乜話題咁興奮?