陳豪要Aimee生兩個
喜事傳千里，自今月初傳出陳茵媺（Aimee）「有餡」，故不惜辭演新劇《寒山潛龍》，要急急腳返加拿大多倫多安胎，即使孭飛嘅《情越海岸線》今周踏入結局篇都冇影。搞出人命咁大件事！六月二日，男友陳豪終現身解畫，但答得很隱晦︰「你哋嘅祝福全部收到！」似乎默認有喜。其實佢早前已直認有生育大計︰「我哋兩個都鍾意小朋友，最好有兩個。」
陳豪向來都好有計劃，繼去年到巴黎影婚紗相後，今年又豪掟三千萬買獨立屋愛巢，更籌備搞咖啡店生意。至於Aimee父母亦準備風光嫁女，原來佢哋係加國大業主，响當地有成六個物業和四個車位，合共六千多萬港元，絕對門當戶對。
陳豪學咗年底做老竇嘅霍啟剛回應，「你哋嘅祝福全部收到！」間接認咗就快為人父。
被記者連番追問，佢就答到一額汗。
上月Aimee從大馬拍外景返港，佢專誠到機場接機。
