鄭丹瑞悶悶不樂
鄭丹瑞（阿旦）係一位好男人眾所周知，皆因酷愛拖住老婆去行街街嘅佢，每次做訪問必定把愛妻放在口邊，據悉兩人係地理學系嘅師兄妹，相識數十載，但就恩愛如昔。
日前東姑喺跑馬地巧遇呢對恩愛到暈嘅鄭氏伉儷，佢兩個依舊手牽手，不過呢一日阿旦明顯同平日有啲唔同，面上冇咗份笑容之餘仲成日嘟嘴，睇嚟好似悶悶不樂，心事重重。唔通擔心自己新主持嘅《勁歌金曲》收視創新低？去到架車前面又攞個袋出嚟不停摷，似乎唔見咗嘢添，不過點都好，東姑喺度希望阿旦開心啲，做番鏡頭前笑容滿面嘅阿旦啦。
阿旦同老婆每次行街都會十指緊扣，非常恩愛。
唔知阿旦係咪有心事，全程嘟晒嘴兼皺眉，睇嚟有啲悶悶不樂。
