鄭融晒豪華臀
兩年前鄭融同音樂人莊東昕分手後，冇幾耐就喺一個party上同一位老外撻着，早前佢重自爆會買男士性感內衣畀男友着，言論好鬼火辣。
不過東姑發現，鄭融自從同咗呢位老外拍拖後，身形日益肥胖，以前有小腰精稱號嘅佢，已經變水桶腰，仲有呀，日前東姑去商台做嘢見到鄭小姐，佢本身已經唔係高，仲要玩踢拖，搞到好似哈比人咁，之後東姑睇埋佢後面，豪華臀盡現，加埋金華火腿，真係可以搞一個「金華火腿豪華臀」之旅。由此可見，原來沐浴愛河嘅女人係可以完全唔理外形。
以前鄭融有「小腰精」稱號，但此情不再，依家應冠以「米芝蓮」稱號吧。
從後面睇，鄭融不止有粗腰更有一個豪華臀兼一雙金華火腿。
