徐子珊 落力冧Fans
最近徐子珊正忙拍新劇《My盛Lady》，而對手就係四年冇拍劇嘅黃子華，為襯子華近日個暴瘦look，子珊就笑言要減肥襯番佢喎！
近日東姑喺銅鑼灣見到做宣傳嘅子珊，驟眼睇子珊真係瘦咗少少，睇嚟佢話減肥襯番子華係講真喎！做完活動之後，子珊跟住就同助手、髮型、化妝齊齊去停車場登上保母車，準備開車之際，突然有一個女fans衝埋嚟，同坐喺車上嘅子珊傾偈，子珊好有興趣突然好似發表偉論咁，有源源不絕嘅話題，搞到架保母車一直開唔到，fans就梗係冧啦，車上面啲人就等得慘咯。
徐子珊一傾開就好似開籠雀咁不停講，搞到車入面等住走嘅化妝、髮型師非常無奈。
上咗保母車之後，有女fans衝過嚟搵徐子珊，徐子珊好nice咁同佢傾偈。
