好多人都話女人打交比男人狼，插眼、掹頭髮、抓面乜招數都出齊，殺傷力很強，而近日網上廣傳一段兩女打交的短片，看完之後大家更會明白到「人不可以貌相」呢個道理，外表斯文又純品的女人，分分鐘係惡婆一名，打死你都唔知發生咩事。

喺短片開始時，就見到一個染金毛的長髮女人指罵一個樣貌娟好、外表非常斯文的女人，初時金毛女態度惡劣狂鬧靚女，而靚女就平心靜氣地解釋事件，不過當金毛女向斯文女又推又撞時，這名斯文女竟然突然大變身，好似女拳霸咁喪出重拳還擊，好身手的她更把金毛女一手撻到地上，再出連還拳重擊金毛女，搞到本來以為自己好打的金毛女變咗甩毛女，毫無還擊之力地伏在地上。

短片開始時就見「金毛女」怒火中燒地指罵樣貌娟好、外表非常斯文的「斯文女」。

「金毛女」愈鬧愈過癮，仲以為自己佔上風，竟然出手推撞「斯文女」。

點知人不可以貌相，「斯文女」打起上嚟狼過華秀隻狗，唔使十秒已經KO咗「金毛女」。