「碌地姐」碌地喊死 「粗口哥」鬧人搶相機
因為政府著手打擊水貨客的問題,而搞到好多水貨客攜帶大型貨物出入關口時,都受到唔少掣肘,日前先有個水貨阿姐「碌地姐」,因為不滿港鐵女職員要求把貨物先過磅,而先爆粗辱罵職員,再玩碌地沙,狂打自己心口,重複地說:「俾我死咗佢。」而近日再有網友拍得一個年約五十的水貨阿叔,因為攜帶的貨物超磅被拒,而發惡喪鬧職員話:「大家搵餐食,呢度係你o架?你做初一我做十五。」之後當他發現有市民拍攝,即突然發爛,並衝向前搶奪市民的相機,期間更有指曾把市民推到售票機處,和欲起飛腳踢市民。