謝天華多女送上門
去年失落視帝嘅謝天華，最近獲無綫厚待，喺新劇《法網狙擊》中頻頻換女，艷福無邊。飾演大律師嘅佢，除咗力追正印楊怡外，仲有好多「飛來蜢」埋身，包括港姐王君馨、陳庭欣同華姐苟芸慧，真係攬女攬到手軟。
早前佢同楊怡拍攝一場談情戲，兩人又摸面又箍頸，相當煙韌，最後楊怡仲咀佢一啖，令男方冧到高潮眼；其後又要同苟芸慧「車震」，真係少啲精力都唔得。除咗當家花旦外，佢亦歎盡一眾小花，除有陳庭欣藉機送上門，更有王君馨為佢喺劇中獻出螢幕初吻，仲要畀男方任摷。無綫呢鋪都明醒謝天華！
楊怡與謝天華深夜拍談情戲，四目交投時電力十足。
楊怡用迷魂鎖箍實天華，令男方冧到暈。
攬完仲有得錫，天華拍《法網》真係筍。
處女下海嘅陳庭欣醉撲天華，認真考演技。
