《飛虎》又玩重口味！ 馬德鐘冧叫梁烈唯老婆
好多人都話無綫的劇集冇乜創意，部部劇集都差不多，睇到人都吽晒!但近年無綫劇集都加咗好多鹽花，有時仲好重口味。好似《回到三國》咁，就不時見班麻甩好漢拖手、浸浴擦背等畫面，「基」味超濃，而誓估唔到連《飛虎》都出現基情台詞，引起網友關注。早前播映的一集，講述馬德鐘演的展Sir因未婚妻苟芸慧移情好兄弟梁烈唯，而在練習自由搏擊時變真打，幸好兄弟最後以開玩笑地化解風波。而二人的對答是，梁烈唯撒嬌地問馬德鐘﹕「你當佢朋友，咁你當我係咩呀？」馬德鐘就柔情說﹕「老婆好未呀！」之後其他隊員笑稱梁烈唯「阿嫂」！二人對答非常斷背，網友們就把這段對白圖片上傳微博，即時吸引過萬次轉發，就連梁烈唯和馬德鐘都話估不到這場口會熱爆網絡。
《飛虎》呢類型剛陽味十足的劇集都會出現基情台詞，即時引起關注。
