一向以來，股民聞上市公司供股即色變，皆因要自掏荷包供股，否則權益將被大幅攤薄；加上金魚缸有「抽水大王」濫用供股機制，一心將小股民的血汗錢搾乾搾淨，所以上市公司宣布供股，股價往往即時插水。

不過近期宣布供股的上市公司，股價不跌反升，令供股變成一條新財路，甚至吸引「供股黨」狂掃碎股，博低位供股大賺一筆。本刊請來股壇老手曾淵滄及譚紹興親授供股搵銀秘笈，二人都有藉供股贏大錢的實戰經驗，不約而同認為供股首重公司質素，股民定要打醒十二分精神，帶眼識股。

香港投資者學會會長 譚紹興

城大MBA課程主任 曾淵滄

早前信德（0242）供股，吸引供股黨刻意掃入碎股，博額外供多近三百億元股份食大茶飯，結果「奸計」被識穿，鎩羽而歸。至於中石化冠德（0934）供股，同樣吸引供股黨搵食，股東人數短時間內由不足一千人暴增至近萬人。

兩隻供股股份的共通點，就是宣布供股後股價不跌反升，如果股東死揸兼參與供股，或者趁股價短線受壓撈底，早已賺到笑騎騎。根據本刊統計，今年宣布供股的股份，在公布翌日普遍下跌，但部分之後從低位「V形」反彈（見附表），夠膽供股或趁低位撈貨，隨時是一條財路。

中石化冠德從事石油的貿易及運輸，公布供股後股價急升。

防大股東連環抽水

借上市公司供股搵食，城大MBA課程主任曾淵滄可說身經百戰。他早前趁勝獅貨櫃（0716）、麗星郵輪（現稱雲頂香港，編號0678）宣布供股被「喪質」，在市場掃貨，再申請額外供股，結果兩隻股完成供股後皆一飛沖天，帶挈他勁賺。他不諱言供股是條財路，但切忌「係又供唔係又供」，最緊要睇公司基本因素。

「一定要睇公司供股集資所得，有沒有明確用途，再睇公司以往集資紀錄。如果大股東是抽水大王，經常藉供股質低股價，變相在低位增持，將小股東的權益愈攤愈薄，就要小心！」

曾淵滄供股賺得最多的一役，要數勝獅貨櫃。○九年三月港股最低迷之時，勝獅宣布以一供二比例供股，供股價三毫半，較當時市價折讓高達五成四。由於股民早已輸到「甩轆」，加上公司隨後發出盈警，預告○八年度盈利會大跌，股價即時表演高台插水。

信德的供股有供股黨搵食，擬額外申請達三百億元股份。圖為上環信德中心。