猛獸出籠 美警急殺48隻獅子老虎
早前香港動植物公園走甩一隻雄性長臂猿，搞到附近啲居民心慌慌，但你哋又有冇諗到如果走甩o既係獅子同老虎，大家又點睇呢？於本月十八日晚上，喺美國俄亥俄州，有一名野生動物園主人六十二歲的湯普森喺吞槍自殺前，竟然放晒動物園內的所有動物，幾十隻老虎、獅子、狼、豹、黑熊等猛獸出籠，令附近的居民生命受到危險。為了市民的安全，美警即時呼籲居民唔好出街，匿埋喺屋企，最後警方徹夜出動下，追緝射殺了一共四十八隻動物中，包括十二隻獅子、八隻熊、十八隻面臨絕種的孟加拉虎等。事件發生後，就有唔少愛護動物的人士就質疑，警方為何不先麻醉動物，再送回動物園，不過警方就表示因為在深夜時間，很難準確地把麻醉藥射在動物身上，為了快速令居民脫離生命危險，他們惟有作出這樣的安排。
美警為了市民的安全，全力追緝射殺猛獸。
好多愛護動物的人士，都力斥美警不先麻醉動物，再送回動物園的處理方法。
六十二歲的湯普森自殺前，把園裏所有動物放晒，搞到猛獸出籠，嚇破鄰居們的膽。
