《爽報》高層X先生 情慾網上對話外洩
小弟上期報道《蘋果》高層會議內容外洩,疑似肥佬黎把聲話《爽報》只印到五十萬份,呢單Laughing哥式卧底爆料事件引起行內議論紛紛。估唔到外洩陸續有來,早兩日有人將《爽報》高層X先生同前下屬Y小姐嘅情慾網上對話漏出街,內容十分有味。睇嚟《蘋果》內鬼唔少,可能唔順肥佬黎出《爽報》搞殘《蘋果》,亦可能有人同呢位高層有私怨,想爆料整瓜佢。
呢批網上對話句句精采,除咗講兩人男歡女愛,亦有提及周澄等政圈美少女,且引錄幾段:
「我係性慾不振同出現早期性無能。講樣嘢你知,我已經三個月無做過啦。」對方回應:「唓,你大把機會,大把妹妹!」
「咁我沖定涼上牀等你啦!」對方回應:「睇吓AV可能有用。」
「上星期尾,臨醒發夢,夢見你跳脫衣舞,其實你都未除過乜衫,跟住我就XX了!」
「都話我唔受佢(周澄)咯!我真係完全唔覺得佢波大?我不嬲都唔貪大!」
「我失意、迷惘、激憤的時候,睇一睇你的相,我就可以心神蕩漾一陣子……」
上次肥佬黎內部講話外洩,有人話係佢故意咁做博宣傳,但今次就絕唔似係宣傳招數,最大可能係《蘋果》嘅辦公室政治,有人想借情慾電郵鬥低佢!