殘(車立)有品味 棺材房太大 咁Sell樓都得？
香港地樓價愈來愈天價，唔少市民想置業簡直係難過登天，而為咗反映呢啲住屋問題，激進的市民就會選擇遊街大嗌，而有啲朋友就喜歡幽默地諷刺問題。
近日於網上廣傳一段模仿銷售樓宇的廣告，片中主持就帶領大家到深水埗的一間板間房參觀，雖然眼見這大廈環境惡劣，但主持就會用認真語氣和美麗的詞語去形容這單位，如「電梯以懷舊設計為主，適合所有追求品味的住客」來形容六十年代的拉閘電梯。另外，他又介紹單位內有全天候四季大窗，其實是一隻不能打開的窗，聽到之後，真係難免會苦笑一聲。由於主持所說的每一句都係有骨和諷刺性的，故不少網友都留言大讚，製片人有創意、有意思，幫了大家笑住吐了一口怨屈氣喎！
主持人好認真咁去介紹深水埗其中一個棺材屋單位，實行笑住咁寸班地產商。
最搞笑係有個著到去Ball咁o既住客行出(車立)，主持就話呢個大廈的住客好高級，鍾意著得靚靚顯身價。
主持人帶大家睇的單位很細和簡陋，除咗上牀瞓之外，並冇其他活動空間。
