獨家睇 白韻琴、謝偉俊浪漫度蜜月
早排,白韻琴同謝偉俊(Paul)一齊上去無綫嘅《心有靈犀》節目大爆私生活,白姐姐一句:「阿Paul廿二年都冇咀過我。」即刻引起莫大嘅迴響。平時白姐姐同阿Paul人前人後都恩愛到爆,堪稱名人界嘅模範情侶、形影不離嘅一對,竟然廿二年冇咀過,真係難以置信。
雖然唔咀,但阿Paul就好細心,日前,阿Paul知道有航空公司開直航機去馬爾代夫,就率先買定機票坐第一班直航去浪漫一番。兩口子入住水上獨立屋,熱愛潛水嘅阿Paul,日潛夜潛之餘,更帶埋相機幫白姐姐影寫真。