黃夏蕙笑談性生活:老夫老妻都有開心嘢 餞別宴被狂集郵老公黑晒面
黃夏蕙(夏蕙BB)將於下周四(11日)隨86歲老伴潘炳烈移民美國,上周六晚,夏蕙BB於酒樓舉行餞別宴,《頭條娛樂》記者現場直擊,頭戴王冠嘅BB滿場飛勁開心,不過老公潘炳烈因不滿變成「吉祥物」,不斷被要求合照而黑晒面,仲嬲到好似小朋友咁雙手托頭,真係好想遞架玩具車畀佢玩呀,BB見狀即諗計呵返,兩位加埋近200歲嘅耆英夫婦好Sweet!強調今年「只係」89歲嘅夏蕙BB更自爆性生活依然美滿:「就算老夫老妻都有開心嘢嘅!」真係聽到個心離一離呀衰鬼。