兩代人的青春記錄 王浩信 余香凝
王浩信與余香凝這個組合,來自即將上映的電影《心裏美》,二人於戲中分別飾演補習天王及傳統教師,屬他們首度合作的作品。首次於電影擔正的王浩信,坦言有一定壓力。
「通常電視演員拍電影,都要俾多啲嘢觀眾,先可以吸引佢哋買飛入場,所以我特別做功課,我飾演補習天王,咁啱我有個朋友就係補習天王,我有問佢一啲細節位;同導演溝通過之後,我就自己度一啲動作,令我嘅角色更加似補習界明星。」
說到補習文化,二人在學時,也是「信徒」之一,余香凝笑言:「嗰時Afford得到嘅科目都補!當身邊好多同學都去補,我唔補好似會落後咗咁,但係我就補Video(只看教學錄影帶),平啲吖嘛。」