狂人舞姿紅爆網 過百萬人撐「戰鬥哥」
每年動漫節、電玩節都會吸引不少fans到場支持,搞到會展都例必要實施人流管制,香港fans瘋狂,但都不及台灣fans咁投入,早前台北世貿電玩展就吸引了大批電玩迷到場支持,而當中更彈出咗一個「戰鬥哥」!
據悉「戰鬥哥」係一個Games迷,於世貿電玩展中就和幾位志同道合的朋友,組成一隊打氣隊,為在場表演的Games Girls打氣兼伴舞。大家可能覺得「戰鬥哥」呢類fans通街都係,唔覺新奇,但奇就奇在「戰鬥哥」好鬼認真,跳舞時咬牙切齒不特止,佢啲舞姿仲誇過台上班Games Girls,「戰鬥哥」比台上班女仔更為搶鏡,故有巴打就忍唔住將佢的舞姿拍下來,上載到Youtube,而短片上載不足一星期,就已經有百多萬人瀏覽,五千幾人讚好。