成龍酒店門外激啜徐靜蕾
成龍大哥同內地藝人徐靜蕾因拍電影《新宿事件》而成為老友，○九年佢兩個仲唔避忌咁拖手出席第三十三屆香港國際電影節，日前網上流傳咗一批成龍同徐靜蕾喺北京嘅五星級酒店門外激嘴相，立即引起網民熱烈討論。
消息指當晚嘅凌晨大約兩點幾，成龍同徐靜蕾帶醉行出酒店，女方腳步浮浮兼不停傻笑，而成龍雖然面紅紅，但係表現清醒。當徐靜蕾上車，司機準備開車離開嘅時候，身手敏捷嘅成龍突然將半身捐入車廂，並用雙手攬住伊人嘅面龐用力咁啜咗一下，事後徐靜蕾透過經理人回應錫面只係goodbye kiss，只屬於禮貌嘅一種，嗰日佢係參加成龍大哥新餐廳聚會，一共有二十幾人出席，並非大家所想像兩人喺酒店獨處。
春節前夕嘅一個晚上約凌晨二時，面紅紅嘅成龍同腳步浮浮嘅徐靜蕾一同喺酒店行出嚟。
飲到醉薰薰嘅徐靜蕾不停傻笑，在酒店門外等待司機接送，司機到達後，徐靜蕾立即登上座駕。
當司機準備開車之際，成龍突然將半身捐入車廂並用雙手攬住徐嘅面龐，用力咁啜咗佢一啖。
○八年，成龍同徐靜蕾喺吉林省農安縣嘅一個農田，拍攝電影《新宿事件》。
