史上最騎呢 內地版S.H.E女子組合
早前,北京公安破天荒在其「平安北京」微博上發表短片,揾來幾個交通男警和女警跳勁舞同網民拜年,即時成為城中熱話。
交警跳舞勁爆,近日網上又廣傳一段名為『震撼!農村春晚發現身懷「奇技」的女子團體!』的短片,短片中就見三個二十多歲的少女,於台上表演勁歌熱舞,其中一個胖胖的少女,就負責唱歌,而另外兩個少女就變身做Dancers,雖然她們三人並不是艷驚四座,但她們就因為騎呢而受到關注。負責跳舞的兩位少女,舞步唔夾之餘,更有意各自搶鏡,左邊的少女突然fing手fing腳,狂跳完一輪之後,右邊的少女就緊接大跳街舞,二人的舞姿完全不配合音樂節奏,唔用「騎呢」去形容呢隊女子組合,真係唔知用咩形容詞好。故不少網友就留言指佢哋比台灣女子組合S.H.E更勁,下年度的農村春晚真係要靠晒佢哋。