驟耳聽，「黃龍德」甚為耳熟，你可會記得，從八十年代起，凡是大型投票、抽獎項目，大部份都由黃龍德會計師行負責監票，故此名字予人一種熟悉感。
真人就在眼前，監票四十年的他，見證由過去數紙仔，至到近年的電腦化，「我由港台《十大中文金曲》開始做起，跟住TVB，之後體育項目又搵我，乜都搵我幫手⋯⋯以前監票係人手逐張點數，閒閒地十萬張票，都要點好多次，要動用全公司人手點算，而且次次都好趕，通常得幾日或一個星期，簡直係惡夢！」
身為御用監票師，那管任務多艱巨，黃龍德也使命必達。

黃龍德慨嘆以前投放太多時間在公職、事業上，後悔忽略了家庭，如果可以再揀，一定會將家庭放在首位。

一四年，黃龍德上港姐網上投票抽獎活動監票，由安德尊即場抽出獲十二萬獎品的幸運兒，可惜被以為是電騙，即時被cut線，三位齊齊O嘴。

他在八和會館的會員大會上監票，汪明荃為他加上「汪阿tag」。

全體監票

訪問於黃龍德位於中環的會計師行進行，他熱情地帶記者參觀他一手一腳建立的公司，「成間公司坐滿晒人，我諗緊點樣可以擺多啲位，可能唔要出面張梳化，擺多幾張枱。」
上月剛過了七十三歲生日的他，公司已交由同是會計師的兒子接手，但他是天生工作狂，每日依舊「返工」，「我退咗休啦！但都仲有好多嘢做，o依家每日返八個鐘。以前我係『Keyman』，負責開門，因為我最早返工，朝早七點返到公司，做到夜晚八、九、十點至收工。高峰期有十幾、廿項公職，好似會計師公會、政府公職、醫療輔助隊，星期一至五，我任你點玩都得，但星期六、日就謝絕邀請，就算港督請我都唔去，我要返屋企食飯。」
風趣幽默的黃龍德，笑指做監票，只是半義工，象徵式收取車馬費，每次監票卻需要動用全公司的人力物力。
「以前每次有幾十箱票，好似《十大中文金曲》有五十首歌俾人揀，每人要揀十首歌，即是有十個剔。如果有十萬張票，就要數一百萬個剔，一張票平均要用三分鐘去點，就要四、五十個人手放低晒手頭上嘅工作，全部人去點票至搞得掂。之後愈來愈多獎項，又最佳女歌手、最有前途新人⋯⋯真係噩夢！近年電腦化，就變咗睇個程式有無古怪，電腦都可以出古惑，所以一定要識電腦。」

九五年正式掛牌執業，他最初只能聘請一名員工，百多呎的辦公室，擺放了四張寫字枱。

在土瓜灣成長的黃龍德，小時候很好動，不時同朋友游渡海泳過海。