全球疫情大爆發，一向熱愛旅遊的港人，即使有假期亦未能出埠。
面對抗疫疲勞，不少名人近日都愛上Camping﹙露營﹚，孭着重重裝備，紮起帳幕，夜看繁星；高階啲仲可以玩野炊，享受原始風味！
即使短短兩日一夜，也能換來疫境中的一點甜！

「今次個營太細，冇乜活動空間，基本上只係用嚟瞓覺，但我哋都鋪咗張氈，又搵咗條木放喺營幕嘅出入口做裝飾。」

以大量鮮蝦和青口等食材，煮出大大鑊海鮮飯，很想吃吧！

王賢誌野餐大鑊飯

王賢誌早前和另一半Kevin到長洲西園露營，他笑言是人生第一次camping，「感覺好好玩，但因為第一次，有啲準備不足，例如個營唔夠大，所以真係玩到攰，要瞓覺先會返入去；同埋我哋要頭對腳嚟瞓，慳番啲位。同行嘅朋友都係露營發燒友，裝備齊全，無論紮營，煮食都好熟手。今次最好玩嘅係野炊，佢哋準備好多食材，野外起火烹調，全部都熱辣辣又惹味！」
他稱長洲這個營地配套充足，很適合新手去，「搭船去到長洲再轉街渡，上岸行一段路就到。嗰度有水源，又有洗手間，乾淨企埋，只要帶齊營具就OK，紮好個營，自己再布置吓，好chill咁享受野外生活。疫情下出唔到埠，都需要有啲活動調節吓，有時間我哋都會再去，但下次一定會準備得充足啲！」

 

王賢誌的朋友對露營飲食很講究，野炊是指定動作，炭燒煙勳三文魚扒， 啖啖肉且保持原野風味。